حته واقعه

كنت مره ماشيه انا وواحده صحبتي كنت لابسه طقم جديد بلوزه جينز وبنطلون بيج وطرحه بيج ام هند كنا في الصيف والناس كانت

رشه مايه قدام المحلات وصحبتي قالت لي تعالي امشي من هنا من قدام محل صحبه كان ماسح المصطبه بتاعته وانا قلتلها لا حرام دي نظيفه احنا هنوسخها ليه واذا فجاه ع حين غره فوووووووووووووووووووه اتزحلقت ووقعت في الطينه وصحبتي مسكتها كريزه ضحك وانا كمان من كتر الضحك مش قادره اقوم قومت بالعافيه كان في واحد معدي شافني وانا كده صعبت عليه واداني مناديل ورق وفالي ان فيه هنا جامع ادخل انظف البنطلون كان وقت العصر كده وانا دخل الجامع وانا بقول لو حد جه علشان يتوضا انا هعمل ايه ام ام هند البنطلون كان متوسخ اوي صحبتي بتاها قريب قلتلها تروح تجيب لي بنطلون من عندها وه كانت لسه بتضحك ام هند راحت وانا دخلت الحمام مستنياها ببص فوق لاقيت الجامع من غير سقف هي جبت لي بنطلون لونه اسود وكان واسع جدا عليا لبسته وخلاص حسيت اني عكيت في اللبس مش مهم البيت كان قريب وانا ماشيه في الشارع حاسه ان كل الناس بتبصلي وبتقول البت اللي اتزحلقت اهه وروحت البيت وانا عماله اضحك مع نفسي في الشارع ذي ا!
لهبله بالظبط
أرجوكم لا تنسو الرد على الموضوع